Գերմանիայի ազգային հավաքականի և Մադրիդի «Ռեալի» նախկին կիսապաշտպան Տոնի Կրոսը չի բացառել, որ ապագայում կարող է կրկին համագործակցել «արքայական ակումբի» հետ։
Կրոսի խոսքով, նա երկար տարիներ անցկացրել է «սերուցքայինների» կազմում, այդ պատճառով հնարավոր է, որ ապագայում կրկին ինչ-որ բան անի ակումբի համար։
«Հաշվի առնելով իմ մտերմությունը «Ռեալի» հետ չեմ բացառում, որ մի օր ապագայում ինչ-որ բան անեմ ակումբի համար։ «Ռեալի» հետ իմ հարաբերությունները միշտ առանձնահատուկ կմնան», — ասել է Կրոսը Einfache Mal Luppen-ի հետ հարցազրույցում։
Բացի այդ, վերջերս Տոնի Կրոսը պատմել է, թե ինչ պայմաններում չէր ավարտի իր կարիերան։ Նա նշել է, որ շատ է սիրում թենիս և անգամ փորձել է իրեն այդ մարզաձևում։ Կրոսն ավելացրել է, որ եթե լիներ թենիսիստ, հավանաբար դեռ կշարունակեր հանդես գալ։
Կրոսը քննադատել էր մրցավարներին իր վերջին խաղում թույլ տված սխալի համար։ Նա նշել էր, որ ՈւԵՖԱ-ին գրեթե երեք ամիս պահանջվեց հասկանալու համար այն, ինչը բոլորին ակնհայտ էր առաջին իսկ պահից։
