FourFourTwo պորտալը կազմել է Անգլիայի Պրեմիեր լիգայի պատմության լավագույն եզրային խաղացողների վարկանիշային աղյուսակը։
Այն գլխավորում է եգիպտացի Մոհամեդ Սալահը («Լիվերպուլ», «Չելսի»): Երկրորդ տեղը զբաղեցրել է Կրիշտիանու Ռոնալդուն («Մանչեսթեր Յունայթեդ»), երրորդը՝ Սոն Հեն Մինը («Տոտենհեմ»):
Լավագույն 10-յակում են նաև Էդեն Ազարը («Չելսի»), Սադիո Մանեն («Սաութհեմփթոն», «Լիվերպուլ»), Գարեթ Բեյլը («Սաութհեմփթոն», «Տոտենհեմ»), Ռոբերտ Պիրեսը («Արսենալ», «Ասթոն Վիլա»), Ռայան Գիգզը («Մանչեսթեր Յունայթեդ»), Ռիյադ Մահրեզը («Լեսթեր», «Մանչեսթեր Սիթի») և Դեյվիդ Բեքհեմը («Մանչեսթեր Յունայթեդ»):
Հիշեցնենք, որ Պրեմիեր լիգայի նոր մրցաշրջանի 1-ին տուրի խաղում Սալահը դարձել է գոլի հեղինակ։ Նա դարձել է Պրեմիեր լիգայի պատմության լավագույն խաղացողը՝ առաջին տուրերում գոլ+փոխանցում համակարգով։ Եգիպտացի ֆուտբոլիստը կատարել է 14 արդյունավետ գործողություն (9 գոլ և 5 գոլային փոխանցում) և այս ցուցանիշով շրջանցել «Մանչեսթեր Յունայթեդի» և «Էվերթոնի» նախկին հարձակվող Ուեյն Ռունիին (13):