Սլովակիայի առաջնության 4-րդ տուրում «Սլովանն» երեկ սեփական հարկի տակ ընդունել էր «Կոշիցեին» և 2:1 հաշվով հաղթանակ տարել:
Հանդիպման հաշիվը խաղի 15-րդ րոպեին բացել էր հյուրերի ֆուտբոլիստ Ժան Մեդվեդը՝ անվրեպ իրացնելով 11-մետրանոցը:
52-րդ րոպեին Դավիդ Ստրելեցը «Սլովանի» կազմում հավասարեցրել էր հաշիվը, իսկ 90-րդ րոպեին Տիգրան Բարսեղյանը խփել էր հաղթական գնդակը:
Բարսեղյանն իր թիմի կազմում ամբողջական հանդիպում է անցկացրել: