«Բոլոնիայի» պաշտպան Ռիկարդո Կալաֆիորին տեղափոխվել է «Արսենալ», հայտնում է անգլիական ակումբի մամուլի ծառայությունը։
22-ամյա իտալացու հետ պայմանագրի պայմանները չեն նշվում։ Կալաֆիորին հանդես կգա 33 համարի մարզաշապիկով։ Ըստ Transfermarkt-ի՝ տրանսֆերի համար անգլիական ակումբը վճարել է 45 մլն եվրո։
Ավելի վաղ ինսայդեր Ֆաբրիցիո Ռոմանոն հայտնել էր, որ ֆուտբոլիստը 5 տարվա պայմանագիր կկնքի՝ մրցաշրջանում 4 միլիոն եվրո աշխատավարձով։
Կալաֆիորին «Բոլոնիայում» հանդես է եկել 2023 թվականից։ 2023/24 մրցաշրջանում պաշտպանը բոլոր մրցաշարերում թիմի կազմում անցկացրած 33 խաղում դարձել է 2 գոլի և 5 գոլային փոխանցման հեղինակ։
