Ադրբեջանի «տարածքային ամբողջականության և ինքնիշխանության վերականգնման» (չակերտները՝ Tert.am) հետ կապված ռազմական գործողություններին որևէ երկրի զինվորական անձնակազմի մասնակցության մասին հայտարարություններn անհիմն են։ Այս մասին 1News պորտալի հետ զրույցում հայտարարել է Ադրբեջանի պաշտպանության նախարարության ներկայացուցիչը՝ մեկնաբանելով Թուրքիայի նախագահ Ռեջեփ Էրդողանի երեկվա հայտարարությունն այն մասին, թե Անկարան, պաղեստինցիներին օգնելու համար, «կարող է մտնել Իսրայել այնպես, ինչպես նախկինում դա արեց Լիբիայում և Ղարաբաղում»։
«Թուրքիան և Պակիստանը քաղաքական աջակցություն են ցուցաբերել Ադրբեջանին, և նախագահ Իլհամ Ալիևը բազմիցս շնորհակալություն է հայտնել նրանց։ Պատերազմի ընթացքում նահատակվել է մոտ 3,000 ադրբեջանցի զինվորական, «հակաահաբեկչական գործողություններում» (չակերտները՝ Tert.am, նկատի ունի 2023-ին Արցախի Հանրապետության դեմ Ադրբեջանի լայնածավալ ռազմական ագրեսիան, որի հետևանքով Արցախն օկուպացվել է և հայաթափվել) զոհվել է 204 մարդ։ Այլ երկրների զինված ուժերը չեն մասնակցել մարտերին»,- նշել է գերատեսչությունը։
