Հունական Քիոս և Կոս կղզիներում մոլեգնում են անտառային հրդեհները, ինչի հետևանքով զբոսաշրջիկներին տարհանում են հյուրանոցներից, հայտնում է Daily Mail-ը:
Նշվում է, որ ակտիվ զբոսաշրջային ուղղություններ հանդիսացող այս կղզիներում երկինքն ամբողջովին պատվել է ծխով, մինչդեռ ուժեղ քամին արագացնում է կրակի տարածումը: Որպես հրդեհների բռնկման պատճառ նշվում է չափազանց երկար տևած շոգ և չոր եղանակը:
Կրակի դեմ պայքարող շուրջ 120 հրշեջի շարքերում կան վիրավորներ:
Երկրի վարչապետ Կիրիակոս Միցոտակիսը կղզիներում հանգստացողներին նախազգուշացրել է, որ հրդեհները կարող են շատ վտանգավոր լինել:
«Այս տարվա ամառը հատկապես վտանգավոր կարող է լինել անտառային հրդեհների առումով», - ասել է վարչապետը:
Ուղղաթիռներն ու ինքնաթիռներն անընդհատ վերևից ջուր են լցնում մոլեգնող անտառային հրդեհների դեմ պայքարելու համար:
