ՌԴ-ում ՀՀ դեսպան Վաղարշակ Հարությունյանն այցելել է սահմանամերձ Բելգորոդ քաղաք, որտեղ բնակելի շենքերից մեկն ավերվել էր ուկրաինական զինված ուժերի հրթիռային հարվածի հետևանքով, հայտնում է ՏԱՍՍ-ը:
«Վայր, որտեղ կենտրոնացած է տասնյակ մարդկանց վիշտը: Կարծում եմ, դա հոգեբանական ազդեցություն ունի ամբողջ քաղաքի վրա: Բնականաբար, ցանկություն կա, որ այս ամենն արագ ավարտվի»,- ասել է նա լրագրողներին։
Մայիսի 12-ին Բելգորոդը և դրա շրջակայքը ենթարկվել են զանգվածային հրթիռակոծության Ուկրաինայից։ Խոցված «Տոչկա-Ու» հրթիռի բեկորները վնասել են Բելգորոդի տասը հարկանի բնակելի շենքը, մուտքն ամբողջությամբ փլուզվել է։ 17 մարդ զոհվել է:
Տեսանյութը կարող եք դիտել Tert.am-ի թելեգրամյան ալիքում:
