Կոսովոյի մայրաքաղաք Պրիշտինայում 2024 թվականի բասկետբոլի Եվրոպայի փոքր երկրների առաջնության երրորդ տուրի շրջանակներում Հայաստանի կանանց հավաքականը 45-43 հաշվով հաղթեց Անդորրայի ընտրանուն։
Վերջին անգամ Հայաստանի կանանց հավաքականը միջազգային ասպարեզում ուրախացրել է իր երկրպագուներին 2010 թվականին, երբ մրցաշարն անցկացվում էր Երևանում, և թիմը գրավեց պատվավոր երկրորդ տեղը։
Հայաստանի մեծահասակների կանանց հավաքականն իր պատմության ընթացքում ընդամենը երեք անգամ է մասնակցել միջազգային մրցումների՝ 1998, 2004 և 2010 թվականներին։ 2010 թվականից հետո Հայաստանի կանանց հավաքականը դադարեց գոյություն ունենալ և վերադարձավ 2024 թվականին։