Հայաստանի իշխանությունները պետք է ապահովեն անվտանգ աշխատանքային պայմաններ ԶԼՄ-ների բոլոր ներկայացուցիչների համար: Նման կոչով է հանդես եկել մամուլի ազատությունը պաշտպանող Մամուլի միջազգային ինստիտուտը (IPI, International Press Institute)՝ անդրադառնալով հունիսի 12-ին ԱԺ-ի մոտ բողոքի ակցիաների լուսաբանման ընթացքում տասնյակ լրագրողների տուժելու դեպքերին։ Այս մասին հայտնում է Factor.am-ը: «Հայաստանի իշխանություններին հրատապ կոչ ենք անում մանրակրկիտ հետաքննել այս միջադեպերը […]
The post ՀՀ իշխանությունները պետք է հետաքննեն բողոքի ցույցերը լուսաբանող լրագրողների նկատմամբ բռնության դեպքերը․ IPI. Factor first appeared on MediaLab Newsroom-Laboratory.
Հայաստանի իշխանությունները պետք է ապահովեն անվտանգ աշխատանքային պայմաններ ԶԼՄ-ների բոլոր ներկայացուցիչների համար: Նման կոչով է հանդես եկել մամուլի ազատությունը պաշտպանող Մամուլի միջազգային ինստիտուտը (IPI, International Press Institute)՝ անդրադառնալով հունիսի 12-ին ԱԺ-ի մոտ բողոքի ակցիաների լուսաբանման ընթացքում տասնյակ լրագրողների տուժելու դեպքերին։ Այս մասին հայտնում է Factor.am-ը:
«Հայաստանի իշխանություններին հրատապ կոչ ենք անում մանրակրկիտ հետաքննել այս միջադեպերը և անվտանգ աշխատանքային միջավայր ապահովել բոլոր լրատվամիջոցների մասնագետների համար»,- նշում է IPI-ը։ Կազմակերպությունը հիշեցնում է, որ Հայաստանում գործող մամուլի ազատության ինը կազմակերպություն, այդ թվում՝ Երևանի մամուլի ակումբը և Խոսքի ազատության պաշտպանության կոմիտեն, հանդես են եկել համատեղ հայտարարությամբ՝ դատապարտելով իրավապահ մարմինների գործողությունները՝ դրանք որակելով որպես «ուժի չափազանց կիրառում» և պատասխանատվություն պահանջելով նրանց համար, ովքեր անխտիր թիրախավորել են լրագրողներին կամ վնասել նրանց սարքավորումները: «Իշխանությունները պետք է անհապաղ մանրակրկիտ և անաչառ հետաքննություն անցկացնեն հունիսի 12-ի իրադարձությունների վերաբերյալ: Անկախ ցույցերի բնույթից՝ իրենց աշխատանքը կատարող լրագրողների նկատմամբ ցանկացած չափից ավելի ուժ կամ բռնություն անընդունելի է: Յուրաքանչյուր ոք, ով պատասխանատու է ավելորդ ուժի կիրառման համար, պետք է պատասխանատվության ենթարկվի»,- ասել է IPI-ի փոխտնօրեն Սքոթ Գրիֆենը:
Նշվում է, որ Հայաստանի ճանապարհը դեպի ժողովրդավարություն խորդուբորդ է եղել, սակայն վերջին տարիներին երկրում մամուլի ազատության վիճակը զգալիորեն բարելավվել է։ Լրատվամիջոցների կանոնակարգերի բարեփոխումները և ծանր վիրավորանքների ապաքրեականացումը դրական քայլերից են։
Այնուամենայնիվ, մեդիա դաշտը մնում է խիստ բևեռացված, և տեղեկատվության հասանելիությունը հաճախ սահմանափակվում է:
The post ՀՀ իշխանությունները պետք է հետաքննեն բողոքի ցույցերը լուսաբանող լրագրողների նկատմամբ բռնության դեպքերը․ IPI. Factor first appeared on MediaLab Newsroom-Laboratory.
