Լեհաստանի արտաքին գործերի նախարար Ռադոսլավ Սիկորսկին հայտարարել է, որ ՌԴ դեսպանատան դիվանագետները սահմանափակված են երկրում ազատ տեղաշարժվելու իրավունքի հարցում։ Նրա խոսքով՝ ռուս դիվանագետները կարող են ազատ տեղաշարժվել միայն մայրաքաղաքի տարածքում՝ Մազովյան վոյեվոդության տարածքում։
Սահմանափակումները վերաբերում են ՌԴ բոլոր ներկայացուցիչներին, բացառությամբ Լեհաստանում Ռուսաստանի դեսպան Սերգեյ Անդրեևի։
«Մյուս երկրներում արդեն կան նման կանոններ, և մենք հույս ունենք, որ մյուսները կհետևեն մեր օրինակին», - ասել է Սիկորսկին Բրյուսելում ԵՄ արտաքին հարաբերությունների խորհրդի նիստից հետո:
Լեհ նախարարը հավելել է, որ Ռուսաստանի դեսպանատունը շուտով նոտա կստանա նոր սահմանափակումների ներդրման վերաբերյալ։
Սիկորսկու խոսքով՝ սահմանափակումները մտցվում են «Եվրամիության և Լեհաստանի դեմ հիբրիդային պատերազմին» Ռուսաստանի մասնակցության հետ կապված։ Նա պնդում է, որ Լեհաստանն ապացույցներ ունի Եվրոպայում Ռուսաստանի մասնակցության դիվերսիաներին։
