Մայիսի 22-ին տեղի ունեցավ «Մեհրաբյան և Որդիներ» ընկերության նոր բիզնես ճյուղի՝ «Իննոթեկ» ապրանքանիշի շնորհանդեսը, որի շրջանակներում կայացավ գործարանի բացման արարողությունը, թվային հարթակների մեկնարկումը և շինարարական աշխատանքների համար նախատեսված նորարարական լուծումների ներկայացումը։
«Իննոթեկն» առաջարկում է սպառողներին մրցակցային, բարձրորակ արտադրանքներ, ժամանակակից պահանջներին համապատասխանող առաջատար լուծումներ և իննովացիոն, թվային հնարավորություններ։ Ունենալով էկոլոգիապես մաքուր արտադրություն՝ «Իննոթեկը» պահպանում է որակի ամենաբարձր չափանիշները, ինչը վկայում է, որ «Իննոթեկը» հանդիսանում է Եվրոպայում որակի սերտիֆիկացում ստացած առաջին հայկական արտադրողը։
«Իննոթեկ» Էկո գործարանը հագեցած է արևային կայաններով, զտիչ սարքավորումներով, ջրի հավաքման և վերօգտագործման համակարգերով, թափոնների վերամշակման տեխնոլոգիաներով, արտադրանքի որակի վերահսկման ժամանակակից լաբորատոր սարքավորումներով։
Ընկերության տեսլականի հիմքում ընկած է այն համոզմունքը, որ շինարարության ոլորտում լավագույն արդյունքի գրավականը բարձրորակ շինանյութերն են և պրոֆեսիոնալ վարպետները։
«Իննոթեկի» առաքելությունն է ապահովել և աջակցել վարպետներին ոչ միայն անհրաժեշտ, ժամանակակից գործիքներով և որակյալ շինանյութերով, այլև մասնագիտական խորհրդատվությամբ և վերապատրաստումներով, ինչը կդարձնի շինարարական աշխատանքներն առավել հեշտ և արդյունավետ։
Մանրամասները՝ տեսանյութում․
