Իսրայելի վարչապետ Բենիամին Նեթանյահուն, Գազայում պատերազմի ավարտին համաձայնելու վերաբերյալ իր երկրի նկատմամբ միջազգային հանրության կողմից ճնշման մասին խոսակցությունների ֆոնին, հրապարակել է տեսաուղերձ՝ շեշտելով, որ Իսրայելը չի ընդունի ռազմական արշավի վերջը և Իսրայելի պաշտպանության բանակի դուրսբերումը Գազայից: Այս մասին գրում է Times of Israel-ը:
«Իսրայելը չի կարող դա ընդունել: Մենք պատրաստ չենք համակերպվել մի իրավիճակի, երբ ՀԱՄԱՍ-ի գումարտակները դուրս գան իրենց բունկերից, նորից վերահսկողություն ստանձնեն Գազայի վրա, վերականգնեն իրենց ռազմական ենթակառուցվածքը և վերադառնան՝ սպառնալու Իսրայելի քաղաքացիներին», - ասել է նա:
Նեթանյահուն ընդգծել է, որ «Իսրայելը չի համաձայնի ՀԱՄԱՍ-ի պահանջներին, որոնք նշանակում են հանձնվել, և կշարունակի մարտերն այնքան ժամանակ, քանի դեռ իր բոլոր նպատակները չեն իրականացվել»։
Նեթանյահուի կարծիքով՝ ՀԱՄԱՍ-ի պահանջների ընդունումը միայն կմոտեցնի հաջորդ հակամարտությունը և թույլ կտա ՀԱՄԱՍ-ին ապագայում ևս մեկ հարձակում իրականացնել:
