Ապրիլի 27-ին և 28-ին Մերիդիան էքսպո կենտրոնում կայացավ լավագույն գործատուների փառատոնը՝ Career city fest 2024-ը։ Փառատոնն իրականացվում է արդեն երրորդ անգամ և կազմակերպվում է Skil մարքեթինգային ընկերության կողմից։
Career city fest 2024-ը իր մասշտաբներով տարբերվեց նախորդ երկուսից, այն աչքի ընկավ թե՛ ոլորտային լայն ներգրավվածությամբ և թե՛ տաղավարների բազմազանությամբ։ Ցուցահանդեսն այս անգամ ուներ 80-ից ավելի խոսնակ և միավորեց 100-ից ավելի ընկերության՝ բանկային, ֆինանսական, igaming ոլորտներից մինչև կրթական ու պետական հաստատություններ։
Կարիերայի աճին, աշխատաշուկայի փոփոխություններին, գործատուի բրենդի, դրա կայացման, ընկերությունների կորպորատիվ մշակույթի ձևավորման և առհասարակ գործատու-աշխատակից հարաբերություններին վերաբերող թեմաների շուրջ կազմակերպվեցին պանելային քննարկումներ, որոնց մասնակցում էին Հայաստանի առաջատար ընկերությունների ներկայացուցիչները՝ սկսած բանկերից մինչև ՏՏ ոլորտ և ոչ միայն։
Ընկերություններն իրենց տաղավարներում հնարավորություն ունեին ներկայացնելու գործատուի իրենց բրենդը, թիմերին, ներգրավվելու նոր աշխատակիցներ։
Career city fest 2024-ի շրջանակներում Skill ընկերության և Digitain-ի միջև ստորագրված հուշագրով, որով Digitain-ը դարձավ միջոցառման հիմնական գործընկեր, իրականացվեց «Սերունդների ձայնը» խորագրով ամենամեծ ինստալյացիան Հայաստանում՝ պարզելու համար, թե ինչպե՞ս են տարբեր սերունդների ներկայացուցիչներ ընտրում գործատու։
Փառատոնի բոլոր այցելուները հնարավորություն ունեցան մասնակցել յուրօրինակ քվեարկության, որի արդյունքները տեսանելի էին հենց տեղում։
Միջոցառման կազմակերպիչների խոսքով՝ ինստալյացիան կարտացոլի գործատու ընտրելու չափորոշիչները տարբեր սերունդների համար և կդառնա առանցքային ցուցիչ այն ընկերությունների ղեկավարների և ՄՌԿ մասնագետների համար, ովքեր ձգտում են բարելավել իրենց գործատուի բրենդը։
Նշենք նաև, որ վերջերս Career city fest-ը հայտնվել է միջազգային հեղինակավոր «Eventex Awards»-ի եզրափակչում։
Tert.am-ը Career city fest-ի պաշտոնական մեդիա գործընկերն էր և ողջ ընթացքում լուսաբանել է ցուցահանդեսի ընթացը։
Միջոցառման մասին պատմող ռեպորտաժը կարող եք դիտել այստեղ։
Իր առանձին տաղավարում Tert.am-ը թեմատիկ հարցազրույցներ էր իրականացնում ամենատարբեր ոլորտի ներկայացուցիչների հետ, ովքեր ներկայացնում էին աշխատաշուկայի հիմնական փոփոխություններն ու տենդենցները, խոսում գործատուի բրենդից ու ընկերությունների կորպորատիվ մշակույթից, ինչպես նաև կարևորում Career city fest-ի դերը՝ աշխատաշուկայի երկու կողմերին՝ գործատուին ու աշխատակիցին իրար կապելու, աշխատաշուկայի նորություններին ծանոթացնելու ու նոր հնարավորություններ ընձեռելու առումով։
Հարցազրույցները կարող եք դիտել ստորև՝ անցնելով հղումով։
Արամ Փախչանյան- CCF-ի քաղաքապետ, «Այբ» հիմնադրամի հոգաբարձուների խորհրդի նախագահ
Սերգեյ Ուսնունց- Skill ընկերության հիմնադիր
Աննա Մանֆրեդի- Career city fest-ի տնօրեն
Տաթևիկ Ստեփանյան- Աշխատանքի և սոցիալական հարցերի փոխնախարար
Ռիմա Խաչատրյան- «Երևան մոլ»-ի մարդկային ռեսուրսների կառավարման ղեկավար
Մարթա Սիմոնյան- ԵՊԲՀ դեղագործության ամբիոնի կառավարման ամբիոնի վարիչ
Արմեն Ավագ Ավագյան- Hexact ընկերության հիմնադիր
Էմմա Առաքելյան-Orion Worldwide Innovations-ի գործադիր տնօրեն և հիմնադիր
Լիլիթ Գևորգյան- «Գրանթ Թորնթոն Հայաստանի» մարդկային կապիտալի խորհրդատվական ծառայությունների ղեկավար
Արմեն Բալդրյան- ՏՀՏ գործատուների միության նախագահ
Հովնան Շահբազյան- «Futuris Architects» ընկերության հիմնադիր տնօրեն
Գոհար Դավթյան- Ձեռնարկատեր, բիզնես թրեյներ
Աննա Վարդանյանց- Ամերիաբանկի մարդկային ռեսուրսների կառավարման ծառայության ղեկավար
Ռուբեն Եսայան- երիտասարդ գրող, ինֆլուենսեր
Անի Գինոսյան- «Կարին» ավանդական երգի ու պարի համույթի անդամ
Սիրուն Մինաս- «Սիրուն Գրուպ»-ի հիմնադիր
