Թեհրանից մոտ 315 կիլոմետր հեռավորության վրա գտնվող Սպահան քաղաքում պայթյուններ են լսվել ուրբաթ վաղ առավոտյան. Իսրայելը, ինչպես հաղորդում է timesofisrael.com-ը, ակնկալվող պատասխան հարված է հասցրել Իսրայելի վրա օրեր առաջ Իրանի հարձակման համար:
Իսրայելի իշխանությունների կողմից հարվածի մասին պաշտոնական հաստատում չի եղել. Իրանի պետական լրատվամիջոցները հաղորդում են միայն այն մասին, որ հակաօդային պաշտպանությունն ակտիվացել է՝ քաղաքի ռազմական օբյեկտի վրա հարձակման ֆոնին. իրանական պետական լրատվամիջոցները միջադեպը բնութագրել են որպես սովորական և նշել, որ լուրջ վնաս չի հասցվել:
Սակայն անանուն իսրայելցի և ամերիկացի պաշտոնյաները ամերիկյան լրատվամիջոցներին հայտնել են, որ Իսրայելը հարված է հասցրել: Իսկ New York Times-ը հայտնել է, որ իրանական երեք աղբյուր հաստատել են, որ Սպահանում ռազմական ավիաբազային հարված է հասցվել: Վնասի չափը պարզ չի եղել։
