ՌԴ նախագահ Վլադիմիր Պուտինը Վոլոգդայի մարզի նահանգապետի պաշտոնակատար Գեորգի Ֆիլիմոնովի հետ հանդիպման ժամանակ հետաքրքրվել է՝ արդյոք Ձմեռ պապը, որի նստավայրը գտնվում է Վելիկի Ուստյուգում, ամռանն արձակուրդ գնո՞ւմ է: Այս մասին գրում է life.ru-ն:
«Ձմեռ պապն ամռանն արձակուրդ գնալո՞ւ է »,- հարցրել է Ռուսաստանի ղեկավարը:
«Ձմեռ պապը մեզ մոտ աշխատում է շուրջօրյա... Խնդիրը, ներքին զբոսաշրջությունը զարգացնելով, ապահովելն է, որ Ձմեռ պապի կալվածքն աշխատի ամբողջ տարին»,- պատասխանել է մարզի ղեկավարը՝ հավելելով, որ դա տնտեսական առումով շահեկան է, քանի որ հնարավոր կլինի էքսկուրսիաներ կազմակերպել նաև ամռանը:
«Տնտեսական իմաստ կա, բայց չէ՞ որ նա ամռանը հալում է»,- կատակելով նկատել է Պուտինը: