Ինքնուրույն որոշումներ կայացնելու և հնարավորի սահմանները շարունակաբար վերանայելու համար քաջություն է պետք: Եվ հենց այդ համարձակությունն է, որ Porsche Panamera-ն կապում է իր հաճախորդների հետ: Իր պրեմիերայից ի վեր այն բարձրագույն մակարդակով անձնավորում է անհատականությունը, սպորտայնությունը և հարմարավետությունը: Այսօր այն անվիճելիորեն շարունակում է մնալ շուկայում` որպես ամենասպորտային շքեղ սեդանը: Սպորտային մեքենայի և զբոսաշրջային սեդանի եզակի համադրության շնորհիվ Porsche ընկերությունը փոխել է այս սեգմենտի սահմանումը: Նոր Panamera-ն այս հաջողված հայեցակարգի շարունակությունն է և արդի ու կատարելագործված տեխնոլոգիաների շնորհիվ սահմանում է սպորտային նրբագեղության նոր չափանիշ՝ միաժամանակ ապահովելով վարման շքեղ հարմարավետություն:
Panamera-ի նոր սերունդը ներկայացված է ընդհանուր առմամբ երեք մոդելով, որոնցից Panamera-ն, Panamera 4-ը և Նոր Panamera Turbo E-Hybrid-ը տեխնոլոգիական առաջամարտիկներ են:
Panamera-ն և Panamera 4-ը համալրված են 2.9 լիտրանոց V6 շարժիչով, իսկ Panamera Turbo E-Hybrid-ը՝ նոր 4.0 լիտրանոց V8 շարժիչով և էլեկտրական շարժիչով:
Panamera 4 E-Hybrid-ը և Panamera 4S E-Hybrid-ը կհետևեն երկրորդ թողարկման ժամանակ: Հիբրիդային տեխնոլոգիան կարևոր քայլ է դեպի էլեկտրաշարժունություն, ինչպես և նախատեսված է Porsche-ի ռազմավարության մեջ:
Նոր Panamera-ի ստանդարտ համալրման կազմում է երկխցիկ եւ երկփականային կախոցը՝ Porsche Active Suspension Management (PASM) համակարգով: Երկփականային տեխնոլոգիան առաջարկում է ավելի լայն հնարավորություններ հարմարավետ ու սպորտային վարման ռեժիմների միջեւ:
Ավելին, նոր Panamera-ի E-Hybrid մոդելների համար որպես տարբերակ հասանելի է Porsche Active Ride ակտիվ կախոցը: Այս համակարգը բոլոր կարեւոր պարամետրերով գերազանցում է այլ կախոցների կոնցեպտները եւ առաջարկում է աննախադեպ տիրույթ վարման հարմարավետության եւ վարման դինամիկայի միջեւ:
Նոր բարձր տեխնոլոգիական Porsche Active Ride հենասարքն ապահովում է առավելագույն հարմարավետություն և ճկունություն, ինչպես նաև վարելու մի շարք նորարարական ֆունկցիաներ: Նոր Panamera-ն առաջին Porsche-ի արտադրական մեքենան է, որը համալրված է այս ակտիվ հենասարքով: Porsche Active Ride-ը կարող է ակտիվորեն կարգավորել ցնցամեղմիչի ուժը հիդրավլիկորեն՝ յուրաքանչյուր անվի համար միլիվայրկյանների ընթացքում և գրեթե ամբողջությամբ կոմպենսացնել ճոճը ու կողաթեքումը: Գերկոմպենսացումը կարող է ակտիվացվել՝ ըստ անհրաժեշտության. այն կարող է գրեթե ամբողջությամբ վերացնել երկայնական ու կողային ուժերի ազդեցությունը վարորդի և ուղևորների վրա որոշակի վարման իրավիճակներում՝ արագացման, արգելակման և շրջադարձի ժամանակ:
Նոր Panamera-ն պահպանել է մոդելային շարքին բնորոշ գծերն ու համամասնությունները: Հիմնովին թարմացված կերպարը սպորտային սեդանին հաղորդում է ավելի տպավորիչ եւ սպորտային տեսք: Առջեւում՝ համարանիշի վերեւում տեղադրված լրացուցիչ օդամղիչը ապահովում է քարշակ համակարգերի օդի ավելացված պահանջը: Կողքից դիտելիս փոփոխված պատուհանի ուրվագիծն ավելի է ընդգծում չորսդռնանի սպորտային ավտոմեքենայի արտաքին տեսքը: Հետեւի ապակու արտաքին եզրերը թափքի եզրագծի հետ նույն մակարդակի վրա են եւ ստեղծում են ներդաշնակ ուրվագծեր ավտոմեքենայի հետնամասում:
Panamera Turbo E-Hybrid-ն արդեն պատրաստ է մուտք գործել շուկա: Այն համալրված է չորս լիտրանոց V8 turbo շարժիչով: Բոլորովին նոր մշակված էլեկտրական շարժիչի հզորությունը կազմում է 140 կՎտ (190 ձիաուժ): Գումարային հզորությունը կազմում է 500 կՎտ (680 ձիաուժ): Իսկ առավելագույն ոլորող մոմենտը՝ 930 Նմ է: Porsche-ն ինտեգրել է էլեկտրական շարժիչը լիովին վերամշակված՝ կրկնակի կցորդմամբ 8-աստիճան PDK փոխանցման տուփի կորպուսում:
Panamera Turbo E-Hybrid-ը մինչեւ 100 կմ/ժ արագությունը հավաքում է 3.2 վայրկյանում, իսկ մեքենայի առավելագույն արագությունը կազմում է 315 կմ/ժ։ Մարտկոցի կարողությունն այժմ կազմում է 25.9 կՎտժ: WLTP համակցված ցիկլում ընթացքի էլեկտրական պաշարը կազմում է 91 կմ, իսկ քաղաքային պայմաններում՝ 83–93 կմ: Նոր 11 կՎտ հզորությամբ ՓՀ լիցքավորիչի շնորհիվ մարտկոցը հնարավոր է լիցքավորել 2 ժամ 39 րոպեում՝ համապատասխան լիցքավորման կետերում:
Turbo անվանումը կրող մոդելի տարբերակները յուրահատուկ դիրք են զբաղեցնում Porsche-ում՝ որպես կատարողականության ֆլագմաններ: Porsche-ն ամրապնդել է այս դիրքը մոդելային շարքում Panamera Turbo E-Hybrid-ի օգնությամբ: Արտաքինից մոդելն ունի հետնամասի տարբերվող թափարգել՝ դիֆուզորի ներկված պանելներով, եւ թափքի գույնի յուրօրինակ առջեւի թափարգել: Արտանետման համակարգի քրոմապատ խողովակները մուգ բրոնզագույն են: Այս եւ մյուս մոդելների համար հասանելի են նաեւ օպցիոնալ կենտրոնական փականով անիվները:
Porsche-ն Panamera-ն համալրել է ստանդարտ Matrix LED լուսարձակներով: Որպես ընտրանք հասանելի է HD Matrix LED լուսավորման համակարգը՝ մեկ լուսարձակի համար ավելի քան 32,000 պիքսել կետայնությամբ: Այն առաջարկում է բոլորովին նոր լուսավորման գործառույթներ, օրինակ՝ երթեւեկության հատուկ գոտու լուսավորություն: Լուսավորման միջակայքը մինչեւ 600 մետր է:
