ԱՄՆ նախագահ Ջո Բայդենը հայտարարել է, որ ներողություն չի խնդրում ԱՄՆ ափերի մոտ չինական ենթադրյալ լրտեսական օդապարիկը խոցելու համար, հայտնում է BBC-ն։
Նա ասել է, որ չինական օդապարիկը օգտագործվել է լրտեսության համար, մինչդեռ դրանից հետո Հյուսիսային Ամերիկայի երկնքում խոցված մյուս երեք այլ առարկան դժվար թե լինի օտարերկրյա լրտեսական սարք:
Նա ընդգծել է, որ ԱՄՆ-ն այսուհետ կբարելավի նմանատիպ օդային օբյեկտների հայտնաբերումը:
Բայդենը նաև նշել է, որ այս միջադեպի վերաբերյալ շուտով կխոսի Չինաստանի ղեկավար Սի Ծինփինի հետ:
«Հուսով եմ, որ մենք ամեն ինչ կպարզենք, բայց ես ներողություն չեմ խնդրում այդ օդապարիկը խեցելու համար», - հինգշաբթի Սպիտակ տանն ասել է Բայդենը:
Չինաստանը հերքել է, որ օդապարիկը օգտագործվել է հսկողության համար՝ փոխարենը նշելով, որ այն պայթել է ընթացքից՝ եղանակային տվյալներ հավաքելիս:
Սակայն Բայդենը կրկնել է ԱՄՆ պաշտոնյաների տեսակետն այն մասին, որ օդապարիկն իրականում օգտագործվել է լրտեսության համար:
Նա ասել է, որ ԱՄՆ-ն շարունակում է խոսել Չինաստանի հետ այդ հարցի շուրջ։
«Մենք նոր սառը պատերազմ չենք ցանկանում»,- ասել է Բայդենը։