Լուսանկարը դեպքի վայրից չէ
Չինաստանի արևելյան Շանդուն նահանգի ափերի մոտ անհայտ թռչող օբյեկտ (ՉԹՕ) է հայտնաբերվել։ Այս մասին հայտնում է Global Times-ը Twitter-ում։
Թերթի տվյալներով՝ Ցինդաո քաղաքի Ջիմո շրջանի ծովային զարգացման բյուրոն հայտարարություն է տարածել, որում նշվում է, որ Ռիժաո քաղաքի ջրային տարածքում անհայտ թռչող օբյեկտ է հայտնաբերվել։
Բյուրոյից հայտնել են նաև, որ նախատեսում են խոցել օբյեկտը։ Այս կապակցությամբ ձկնորսներին և մյուս բնակիչներին խնդրել են պահպանել անվտանգության կանոնները: Քաղաքացիներին նաև հորդորել են լուսանկարել ՉԹՕ-ն, եթե այն ընկնի նավի կողքին։