«Տոտենհեմի» ավագ, ֆրանսիացի դարպասապահ Ուգո Լյորիսը ծնկի վնասվածքի պատճառով բաց կթողնի թիմի առաջիկա հանդիպումները և չի խաղա առնվազն վեցից ութ շաբաթ, հայտնում է The Telegraph-ը։ Դարպասապահը վնասվածք է ստացել փետրվարի 5-ին Պրեմիեր լիգայի 22-րդ տուրի՝ «Մանչեսթեր Սիթիի» հետ հանդիպման վերջնամասում (1:0):
Հետազոտությունը հաստատել է, որ Լյորիսը վնասվել է ծնկի կապաններն, և այժմ նրան վերականգնողական շրջան է անհրաժեշտ։ Նախնական կանխատեսումները ենթադրում էին, որ ֆրանսիացին բաց կթողնի մրցաշրջանի մնացած մասը, սակայն «Տոտենհեմը» հուսով է, որ նա կվերականգնվի ավելի շուտ:
Ակումբում հույս ունեն, որ խաղացողը վիրահատության կարիք չի ունենա, սակայն նա կշարունակի հետազոտություններ անցնել։
Այսպիսով, Լյորիսը չի կարողանա օգնել թիմին Չեմպիոնների լիգայի փլեյ-օֆֆում։ «Տոտենհեմը» 1/8 եզրափակչում կխաղա «Միլանի» հետ։
