Աստղագետները 10 մլրդ դոլար արժողությամբ գերհզոր James Webb աստղադիտակի շնորհիվ ստացել են աստղային կուտակումների պատկեր: Այս մասին, ինչպես գրում է gazeta.ru-ն, հայտնել է Ստոկհոլմի համալսարանը։
Դա արվել է գրավիտացիոն լինզավորման միջոցով, որն առաջանում է ավելի մոտ գալակտիկաների պատճառով:
«Գալակտիկաների այս կլաստերներն այնքան մեծ են, որ բեկում են իրենց կենտրոնով անցնող լույսի ճառագայթները, ճիշտ այնպես, ինչպես կանխատեսել էր Էյնշտեյնը 1915 թվականին: Իսկ դա, իր հերթին, ստեղծում է խոշորացույցի էֆեկտ. ֆոնային գալակտիկաների պատկերները մեծանում են»,- բացատրում է աշխատանքի հեղինակներից Ադելաիդա Կլաիսսենը: