Ամերիկյան Apple ընկերությունն ուսումնասիրում է iPhone-ի ամենաթանկ մոդելի թողարկման հնարավորությունը. այն կկոչվի Ultra: Այս մասին հայտնում է Bloomberg-ի թղթակից Մարկ Գուրմանը։
Ըստ Գուրմանի՝ iPhone Ultra մոդելը կլինի Apple-ի առաջին սմարթֆոնը, որը կկորցնի բոլոր սովորական միակցիչները։
Ենթադրվում է, որ այն կստանա նաև կատարելագործված տեսախցիկ և ավելի հզոր պրոցեսոր։
Ultra մոդելի մոտալուտ ներկայացման մասին ակնարկ, ըստ Գուրմանի, կարող է լինել Apple-ի գործադիր տնօրեն Թիմ Քուկի վերջին հայտարարությունը, որում նա ասել էր, որ «մարդիկ պատրաստ են գումար ծախսել՝ իր տեսակի մեջ լավագույնը ստանալու համար»: Այդպիսով նա արձագանքել էր նոր iPhone-ների գնի անընդհատ թանկացման խնդրին վերաբերող հարցին: