Մեր պայքարը բաղկացած չի եղել մենակ քայլելուց և լույսերով երթեր անելուց, մեկ անգամ ևս հիշեցնեմ, որ 2500 մարդ է ձերբակալվել այդ շարժման օրերին, 50-ից ավել մարդիկ զրկվել են ազատությունից, 60-ից ավելի ընտանիքներում խուզարկություն են անցկացրել, հետապնդումներ, ճնշումներ, որոնք մինչև օրս շարունակվում են։ Այս մասին մամուլի ասուլիսի ժամանակ, անդրադառնալով «Դիմադրություն» շարժման պայքարի մարտավարությանը և ընթացքին, ասաց շարժման համակարգող Իշխան Սաղաթելյանը։
«ՀՀ քաղաքացին պայքարել ու կռիվ է տվել, որը շարունակվելու է, ինչ վերաբերում է պայքարի կեսից ժողովրդին «տուն ուղարկելու»-ն, լավ գիտենք՝ ով է «տուն ուղարկողը», դա մեզ չի վերաբերվում, մենք ժողովրդին պայքարի մղողն ենք ու այդ պայքարը առաջ տանողը»,- ասաց Սաղաթելյանը։
Ճշտող հարցին՝ նոյեմբերի 5-ի հավաքը շարունական գործողություններ է ենթադրելու հետագայում, թե սահմանափակվելու են միայն հանրահավաքով, Սաղաթելյանը ասաց․
«Շատ կարևոր է նոյեմբերի 5-ի համաժողովրդական արձանագրումը, դրանից հետո պայքարը իհակե շարունակվելու է, բայց այդ օրը հավավքվում ենք այդ նպատակով ՝ դա արձանագրելու համար։ Պայքարի հետագա գործողությունների մասին հանրահավաքին կհայտարարենք»։
