Կոնֆերենցիաների լիգայի խմբային փուլի 5-րդ տուրում Հայաստանի չեմպիոն «Փյունիկը» Սլովակիայի մայրաքաղաքում մրցում է «Սլովանի» հետ:
Խաղն ակտիվ սկսեցին տանտերերը ու հենց մեկնարկից նետվեցին գրոհի: 5-րդ րոպեին տանտերերը վտանգավոր ձեռնարկեցին և կարող էին բացել հաշիվը, սակայն «Փյունիկի» պաշտպանները կարողացան հեռացնել գնդակը: Երկու րոպե անց «Սլովանի» ֆուտբոլիստի հեռահար հարվածից հետո Դավիդ Յուրչենկոն գնդակը հանեց անկյունային:
Առաջին կեսի միջնամասում Հայաստանի չեմպիոնին հաջողվեց կոտրել մեկնարկային լարվածությունը: Հատկապես աչքի էր ընկնում Հովհաննես Հարությունյանը, ով մեկ երկու անգամ փորձեց փոխանցումով նպաստավոր դիրք դուրս բերել թիմակիցներին: Տանտերերը շարունակում էին ավելի շատ լինել գնդակով, սակայն մեկնարկային րոպեների համեմատ «Սլովանի» գրոհներում պակասում էր սրությունը:
38-րդ րոպեին Կոչուկը դաշտի կենտրոնում խլեց գնդակը, ինչից հետո փոխանցում կատարեց Օտուբանջոյին, սակայն վերջինս չկարողացավ գնդակը հասցնել նպաստավոր դիրքում գտնվող Յուրիչիչին:
