Թուրքիայի նախագահ Ռեջեփ Թայիփ Էրդողանը լրագրողների հետ զրույցում կիսվել է Հարավային Կովկասում տիրող իրավիճակի վերաբերյալ իր կարծիքով, գրում է Anadolu գործակալությունը։
Թուրքիայի ղեկավարը հիշեցրել է, որ Պրահայում Եվրոպական քաղաքական համայնքի առաջին հանդիպման շրջանակում հանդիպել է Հայաստանի վարչապետ Նիկոլ Փաշինյանի հետ։
«Մենք նեղ կազմով հանդիպում ենք անցկացրել Փաշինյանի, (Ադրբեջանի նախագահ) Իլհամ Ալիևի և Հունգարիայի վարչապետ (Վիկտոր) Օրբանի մասնակցությամբ։ Մենք նաև հանդիպում ենք անցկացրել պատվիրակությունների մասնակցությամբ։ Ես «Զանգեզուրի միջանցքի» (չակերտները՝ Tert.am) հարցում խնդիրներ չեմ տեսնում»,- ասել է Էրդողանը։
