Ուկրաինայի նախկին նախագահ Լեոնիդ Կրավչուկը 1+1 հեռուստաալիքի եթերում ուկրաինացիներին կոչ է արել միավորվել` այլ պետություններից hետ չմնալու համար, հայտնում է «ՌԻԱ Նովոստի» լրատվական գործակալությունը:
«Օրինակ՝ Լեհաստանին հասնելու համար մեզ հիմա 50 տարի է հարկավոր», - ասել է Կրավչուկը և հավելել, որ դա ուղղելու միակ ելքը երկրի տարբեր շրջանների հարկադիր միավորումն է` հակառակ պատմական անցյալի շուրջ ծագած վեճերի և տարածքային տարաձայնությունների:
Ավելի վաղ Ուկրաինայում Արժույթի միջազգային հիմնադրամի ներկայացուցիչ Յոստ Լինգմանն ասել էր, որ 20 տարի շարունակ տարեկան միջինում 6 տոկոս աճ ապահովելու դեպքում Ուկրաինան նոր կարող է հասնել Լեհաստանի ներկայիս մակարդակին:
