Հայաստանում աջակցող միջոցները տրամադրվում են հավաստագրի հիման վրա: Ցանկացած հավաստագիր պարունակում է որոշակի արժեք՝ մարդու բժշկական սոցիալական փորձաքննության արդյունքում իրեն տրված վերականգնողական անհատական ծրագրի հիման վրա, տրվում է ցուցում այս կամ այն աջակցող միջոցը տրամադրելու համար. այսօր լրագրողների հետ զրույցում ասաց աշխատանքի և սոցիալական հարցերի փոխնախարար Տաթև Ստեփանյանը պատասխանելով հարցին, թե տեղեկություն կա, որ հաշմանդամություն ունեցող անձանց համար նախատեսված միջոցները չեն տրամադրվում:
«Քաղաքացիներին իրազեկում ենք, որ ՀՀ–ում գոյություն ունեն 10 կամ 15 որակավորված կազմակերպություններ, որտեղից քաղաքացին կարող է մոտենալ և ստանալ իր աջակցող միջոցը: Պատերազմի մասնակից տղաները, որպես ՀՀ քաղաքացի, նույն ընթացակարգերով ստացել են բոլոր աջակցող միջոցները: Չկա որևէ անձ, որ ունի աջակցող միջոցի կարիք ու չի ստացել աջակցող միջոցը»,- ասաց նա:
Ինչ վերաբերում է արցախցիներին, փոխնախարարն ասաց, որ տարանջատում չի դրվում արցախցի հաշմանդամություն ունեցող անձ, թե հայաստանցի. «Ես երաշխավորում եմ, որ մեր պրոթեզաօրթոպետիկ բազայում կարգավորումներ են արվել, քանի որ երբ քաղաքացու համար դուրս է գրվում հավաստագիր օնլայն կամ փոստային տարբերակով, իրեն տեղեկացնում ենք, որ ունեք 100 հազար դրամի հավաստագիր այն առկախված է կարող եք, որոշակի ժամանակահատված հետո դիմել և ստանալ, ձեր աջակցման կենտրոն»:
Փոխնախարարը նշեց, որ պատերազմի ընթացքում և հիմա համագործակցում են բոլոր հիվանդանոցների և բոլոր վերականգնողական կենտրոնների հետ:
Լրագրողների հարցին՝ թիվ մեկ ծերատան նախկին տնօրենն ազատվել է աշխատանքից և նշանակվել է մեկ, ով չէր կարողանում իրավիճակը կառավարել, ահազանգեր կան, սնունդն ուշ են ստանում, փոխնախարարն ասաց, որ իրավիճակն այնտեղ վերահսկելի է. «Շուտով տատիկ -պապիկները, աշխատողները կպատվաստվեն: Հիմա Առողջապահության նախարարության հետ տատիկ-պապիկներին իրազեկման աշխատանքներ են կատարվում, իսկ սննդի խնդիր չունենք»: