Իրաքի զինված ուժերին, երկրի կենտրոնական շրջանում անցկացվող գործողության շրջանակում, հաջողվել է ձերբակալել այսպես կոչված «Տիգրիսի շրջանի էմիր»-ին, որը «Իսլամական պետություն» ահաբեկչական խմբավորման հրամանատարներից է, հայտնում է almasdarnews.com թերթը։
Զինված ուժերի գլխավոր գերագույն հրամանատարի մամուլի խոսնակ, գեներալ–մայոր Յահյա Ռասուլն իր թվիթերյան հաշվում գրել է․ «Զինված ուժերի գլխավոր գերագույն հրամանատար Մուստաֆա ալ Քազեմիի հրահանգների, շարունակական հետևողականության, ուսումնասիրությունների, տեղեկատվության հավաքագրման և հետախուզական ջանքերի հիման վրա ձերբակալվել է «Տիգրիսի շրջանի էմիրը»»։
Մամուլի խոսնակը հավելել է, որ գործողության ընթացքում ոչնչացվել է 3 մոտոցիկլետ և «Իսլամական պետություն» ահաբեկչական խմբավորմանը պատկանող թունել։
Հիշեցնենք, որ 2017 թվականի դեկտեմբերին Իրաքը հայտարարել էր իր տարածքները ԻՊ-ից մաքրելու մասին։