Մարտի 26-ի երեկոյան Արարատի մարզի Նոր Կյուրի գյուղի մի բնակիչ ոստիկանության Մասիսի բաժնում հաղորդում էր տվել, որ մոտ մեկ ժամ առաջ Նոր Խարբերդ գյուղում վիճել է մի երիտասարդի հետ, որն էլ դանակահարել է իրեն:
Դանակահարությունը բացահայտելու ուղղությամբ Մասիսի բաժնի քրեական հետախույզները անհետաձգելի միջոցառումներ ձեռնակեցին։ Օպերատիվ հարցումների արդյունքում տեղեկություններ ստացվեցին, որ Նոր Խարբերդի խանութներից մեկի մոտ ծագած վիճաբանության ժամանակ տուժողին դանակահարել էր նույն գյողի 26-ամյա մի բնակիչ։ Իրավապահների բացատրական աշխատանքի շնորհիվ մարտի 29-ին նա ներկայացավ ոստիկանության Մասիսի բաժին և խոստովանեց կատարածը։
Դեպքի վայրի զննության ընթացքում նա ներկայացրել է նաև դանակը։
Հանգամանքները պարզվում են։
Քննությունը շարունակվում է։
`Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
The post Նոր Խարբերդի խանութներից մեկի մոտ ծագած վիճաբանության ժամանակ տուժողին դանակահարել է նույն գյողի 26-ամյա բնակիչը appeared first on ԳԱԼԱ.
