Էստոնիայի ոստիկանության աշխատակիցները, օտարերկրացիների համար երկիր մուտք գործելու օրինականությունը ստուգելիս, հայտնաբերել են կորոնավիրուսային համավարակով պայմանավորված սահմանափակումների խախտման 9 դեպք, հայտնում է korrespondent.net-ը և հավելում, որ Ուկրաինայի 8 և Բելառուսի 1 քաղաքացու մուտքն Էստոնիա արգելվել է։
Ըստ արտաքին և միգրացիոն վերահսկման ծառայության ղեկավար Մարգո Պետերսի, Ուկրաինայի 8 և Բելառուսի 1 քաղաքացիները երկիր մուտք գործլու համար բավարար հիմքեր չեն ունեցել։ Նրանցից երկուսն ասել են, որ այցելում են իրենց ընկերոջը՝ ծննդյան օրվա առթիվ, իսկ մյուսներն ասել են, որ ցանկանում են աշխատել Էստոնիայում։
Արդյունքում Էստոնիա մուտքի կանոնները խախտած ինը օտարերկրացիներ ստիպված են եղել տուն վերադառնալ:
Պետերսը նշել է, որ այժմ օտարերկրացիները կարող են գալ Էստոնիա աշխատելու միայն այն դեպքում, եթե սահմանն անցնելու պահին նրանք արդեն գործատու ունենան և Էստոնիայում աշխատելու վերաբերյալ ճիշտ ձևակերպումներ արված լինեն: