Եթե արտաքին գործերի նախարարությունը տեղյակ չէ, ուրեմն՝ Թուրքիայի հետ բանակցություններ գոյություն չունեն։ Որևէ ձևաչափով բանակցություններ այսօր չկան։ Այս մասին լրագրողների հետ ճեպազրույցում ասաց ՀՀ արտաքին գործերի նախարար Արա Այվազյանը։
Հարցին՝ այդ դեպքում ԱԽ քարտուղարն ինչի մասին է խոսում, երբ ասում է՝ պետք է մոտեցումներում որոշակի շտկումներ անել, Այվազյանը չմեկնաբանեց՝ խնդրելով այդ հարցն ուղղել ԱԽ քարտուղարին։
Հարցին՝ այն իշխանությունը, որի քաղաքականությունը բերեց պատերազմի աղետալի հետևանքների, կան գերիներ, ու այդ հարցը դեռ չլուծված՝ կարո՞ղ են նման շտկումներ անել, Այվազյանն արձագանքեց, թե այդ գնահատականների հետ համաձայն չէ։ «Առաջին քայլը պետք է լինի գերիների և հումանիտար այս կարևոր հարցի շուտափույթ լուծումը՝ առանց որևէ նախապայմանի»,-նշեց նա։
Դիտարկմանը, թե պատերազմի ընթացքում Իսրայելում ՀՀ դեսպանը հետ է կանչվել, և հարցին՝ նրա վերաբերյալ որևէ որոշում այժմ կա՞, Արա Այվազյանն արձագանքեց․ «Ես պատերազմի ժամանակ ԱԳ նախարար չեմ եղել»։