Մյանմարում բողոքի ակցիաների մասնակիցների և ուժային գերատեսչությունների աշխատակիցների միջև ծայր առած ընդհարումների հետևանքով փետրվարի 1-ից ի վեր զոհվածների թիվը հասել Է 459-ի: Մարտի 29-ին այդ մասին իր Twitter-ում հայտնել Է Մյանմարի Քաղաքական բանտրակյալների օգնության ասոցիացիան, տեղեկացնում Է «Արմենպրես»-ը:
Ասոցիացիայի տվյալներով՝ փետվարի 1-ից ձերբակալվել Է 2 559 քաղաքացի, իսկ 119-ի նկատմամբ տրվել Է կալանագիր: Ավելի վաղ The Irrawaddy հրատարակությունը հայտնել Է, որ մարտի 27-ին Մյանմարի տարբեր քաղաքներում բողոքի ակցիաները ցրելիս զոհվել Է առնվազն 102 մարդ:
Զանգվածային լրատվամիջոցների տեղեկություններով՝ բողոքների ամբողջ ժամանակամիջոցում զոհերի ընդհանուր թիվը հասել Է 429-ի:
Մյանմարի զինվորականները փետրվարի 1-ից հայտարարել են մեկ տարով արտակարգ դրություն սահմանելու և երկրի ղեկավարությանը պաշտոնանկ անելու մասին: Բանակի ներկայացուցչիները դա բացատրել են 2020 թվականի նոյեմբերին կայացած ընտրություններում ընդգրկուն կեղծարարություններով: Զինվորականները կազմել են նախարարների նոր կաբինետ: Հանրապետության բնակիչները փետրվարի սկզբից դուրս են գալիս հակազինվորական բողոքների, որոնք խստորեն կասեցվում են անվտանգության ուժերի կողմից:
