Մյունխենի «Բավարիան» 4 գոլ է խփել «Շտուտգարտին»՝ առաջին կեսում 10 հոգով մնալուց հետո։
12-րդ րոպեին մյունխենցիների պաշտպան Ալֆոնսո Դևիսը կարմիր քարտ է ստացել ու հեռացվել խաղադաշտից։ 5 րոպե անց «Բավարիայի» հարձակվող Ռոբերտ Լևանդովսկին դարձել է գոլի հեղինակ, ևս հինգ րոպե անց Սերբ Գնաբրին երկրորդ գնդակն է ուղարկել մրցակցի դարպասը, մեկ րոպե անց Լևանդովսկին դուբլ է ձևակերպել, իսկ 39-րդ րոպեին լեհ հարձակվողը դարձել է հեթ-տրիկի հեղինակ։
Ընթանում է հանդիպման երկրորդ խաղակեսը։
«Բավարիան» 25 խաղից հետո 58 միավոր է վաստակել։ «Շտուտգարտը» 36 միավորով 8-րդ տեղում է։ Լևանդովսկին ընթացիկ մրցաշրջանի լավագույն ռմբարկուն է, նրա ակտիվում 35 գոլ կա։