Անգլիական Պրեմիեր-լիգայի 28-րդ տուրում «Մանչեսթեր Սիթին» հյուրընկալվելիս մրցել է «Ֆուլհեմի» հետ ու 3 անպատասխան գնդակ ուղարկել մրցակցի դարպասը:
Բոլոր գոլերն էլ խփվել են երկրորդ խաղակեսում:47-րդ րոպեին Ջոն Սթոունզը բացել է հաշիվը, 56-րդ րոպեին Գաբրիել Ժեզուսը կրկնապատկել է իր թիմի առավելությունը, իսկ 60-րդ րոպեին Սերխիո Ագուերոն խփել է իր թիմի երրորդ գնդակը՝ անվրեպ իրացնելով 11-մետրանոցը:
Այս հաղթանակից հետո «Մանչեսթեր Սիթին» իր միավորների թիվը հասցրել է 71-ի ու գլխավորում է ԱՊԼ-ի մրցաշարային աղյուսակը: Մոտակա հետապնդողը՝ «Մանչեսթեր Յունայթեդը», 54 միավոր ունի իր ակտիվում, սակայն երկու խաղ պակաս է անցկացրել: «Ֆուլհեմը» 26 միավորով գտնվում է վտանգավոր գոտում՝ 18-րդ հորիզոնականում: