Մարդու իրավունքների պաշտպանության տեսանկյունից որևէ նշանակություն չունի՝ Սյունիքի մարզի սահմանային գյուղերի հարևանությամբ ադրբեջանական զինվորականների կրակոցներն անկանոն են, կանոնավոր, թե պարզապես օդ են կրակում: Այս մասին Ազատություն ռադիոկայանի հետ զրույցում ասել է ՀՀ ՄԻՊ Արման Թաթոյանը:
«ՀՀ մարդու իրավունքների պաշտպանի նշաձողը հստակ է՝ անգամ մեկ կրակոցը խաթարում է գյուղացու անդորրն ու խաղաղ կյանքը, վտանգում գյուղացու ու նրա երեխայի կյանքն ու առողջությունը, զրկում գյուղացուն իրեն պատկանող հողամասը մշակելու ու այլ սեփականությունից օգտվելու հնարավորությունից:
Կանխավարկածն էլ այն է, որ ադրբեջանական զինվորականների ցանկացած կրակոց պետք է դիտվի՝ որպես գյուղի ուղղությամբ արձակված ու կանոնավոր (պարբերական լինելու իմաստով) կրակոց»,- ասել է Թաթոյանը:
