ԱՄՆ նախագահ Ջո Բայդենը ստորագրել է Կոնգրեսի կողմից հաստատված տնտեսական աջակցության 1․9 տրիլիոն դոլար արժողությամբ ծրագիրը, հաղորդում է ТАСС-ը։
«Սա պատմական օրենսդրական նախաձեռնություն է, որն ուղղված է երկրի առանցքային հիմքը վերականգնելուն։ Այն նաև հնարավորություն է տալիս աշխատող մարդկանց, միջին խաղի ներկայացուցիչներին, նրանց, որոնք կառուցել են այս երկիրը, լավ հնարավորություններ ընձեռում»,- հայտարարել է Բայդենը։
Ավելի վաղ ԱՄՆ Կոնգրեսը հաստատել էր Բայդենի առաջարկած 1.9 տրիլիոն դոլարի փոխարեն 600 միլիարդ դոլար հատկացնել կորոնավիրուսի դեմ պայքարին և համավարակի տնտեսական հետևանքների վերացմանը:
Տնտեսական աջակցության ծրագրով շուրջ 400 միլիարդ դոլար ուղղվելու է կորոնովիրուսի դեմ պայքարին։ Շուրջ 1 տրիլիոն դոլարի չափով օգնություն է տրամադրվելու ԱՄՆ բնակչությանը, մնացածն ուղղվելու է տնտեսության խթանմանը։ Բազմաթիվ ամերիկացիների այս ծրագրի շրջանակում 1400 դոլար միանվագ օգնություն կտրամադրվի։
