Անկարայի առանձնապես ծանր հանցագործությունների հարցով դատարանը վճիռ է կայացրել 2016 թվականին Թուրքիայում ՌԴ դեսպան Անդրեյ Կառլովի սպանության գործով:
Ինչպես փոխանցում է «ՌԻԱ Նովոստի»-ն, գործով անցնող 28 մեղադրյալներից 5-ին դատապարտել են ցմահ ազատազրկման, նրանցից երեքին մեղավոր են ճանաչել անմիջապես սպանության իրականացման գործով: Դատապարտյալների թվում են Թուրքիայի տեղեկատվական տեխնոլոգիների և կապի վարչության, ինչպես նաև ոստիկանության նախկին աշխատակիցներ:
Ինը մարդ դատապարտվել է մինչև 15 տարվա ազատազրկման: Եվս 5-ին արդարացրել են: Մեղադրյալներից ինը գտնվում են հետախուզման մեջ:
Հիշեցնենք, որ ՌԴ դեսպանը սպանվել է 2016 թվականի դեկտեմբերի 19-ին Անկարայում անցկացվող լուսանկարչական ցուցահանդեսի բացման ժամանակ: Թուրքական իշխանությունների տվյալներով՝ դեսպանին կրակել է ոստիկանության աշխատակից Մևլյութ Մերթ Ալթինթաշը: Նրան վերացրել էին անվտանգության ուժերը: