Մոսկվայում երեխայի սպանության կասկածանքով բերման է ենթարկվել քաղաքի տարածքային բաժիններից մեկի ճանապարհային պարեկային ծառայության տեսուչը, «ՌԻԱ Նովոստի»-ին հայտնել են ՌԴ ներքին գործերի նախարարության Մոսկվայի շտաբի մամուլի ծառայությունից:
Ավելի վաղ հաղորդվել էր, որ քննիչները քրեական գործ են հարուցել մարտի 7-ի լույս 8-ի գիշերը Մոսկվայում երեխայի սպանության դեպքի առթիվ: Քաղաքում գտնվող բնակելի շենքերից մեկի բնակարանում հայտնաբերվել էր երեխայի մարմինը, որի վրա բռնության հետքեր են եղել:
Նախապես հաստատվել է, որ բնակարանում է գտնվել երեխայի հայրը: ՔԿ-ում նշել են, որ ներկայում 1981 թվականին ծնված մի տղամարդ տեղափոխվել է ոստիկանություն, որտեղ կատարվում են անհրաժեշտ քննչական գործողություններ:
«Հստակեցվել է, որ բերման ենթարկվածը Մոսկվայի տարածքային բաժիններից մեկի ճանապարհային պարեկային ծառայության տեսուչ է: Այս փաստի առթիվ նշանակվել է ծառայողական քննություն, որի արդյունքում աշխատակիցը հեռացվել է աշխատանքից: Նա պատասխանատվության կենթարկվի օրենքով սահմանված կարգով», - ասված է հաղորդագրության մեջ:
