Ռուս սննդաբան Օլգա Դեկկերի կարծիքով՝ ամենաօգտակար ապուրը ոսպով ապուրն է, գրում է «ՌԻԱ Նովոստի»-ն:
Մասնագետի խոսքով՝ այս ապուրը հարուստ է սպիտակուցներով:
«Չնայած այն բուսական ծագում ունի և պարունակում է միայն 12 ամինաթթու, բայց մենք կարող ենք այս ապուրին ավելացնել նաև կենդանական սպիտակուցներ, ինչպիսին է, օրինակ, միսը», - բացատրել է նա ու հավելել՝ ճաշատեսակը հարուստ է նաև մանրաթելերով և, ընդհանուր առմամբ, օգտակար է առողջության և իմունիտետի համար:
Միևնույն ժամանակ, սննդաբանի խոսքով՝ ամենաօգտակար երկրորդ ուտեստը մսային արգանակով և բանջարեղենով ապուրն է, որի մեջ կարելի է օգտագործել ինչպես թարմ, այնպես էլ սառեցված բանջարեղեն:
«Ես կավելացնեի նաև կանաչ լոբի, դդմիկ, նեխուր, այսինքն՝ ածխաջրերի նվազագույն պարզ խումբ: Այնուհետև եթե ավելացնենք մի կտոր միս, կունենանք նաև սպիտակուցներ և ճարպեր», - խորհուրդ է տվել մասնագետը: