Ստամբուլում գործող հայկական «Արաս» հրատարակչատունը հրատարակել է Դանիել Վարուժանի «Հացին երգը» ժողովածուն`Հովհաննես Շաշկալի թուրքերեն թարգմանությամբ: Գրքերին ծանոթացնելու իր ամենշաբաթյա ծրագրի շրջանակում Վարուժանի այս գրքին անդրադարձել է Gazete Duvar պարբերականը:
Աղբյուրը նշում է, որ 1915 թվականի ապրիլի 24-ին ձերբակալված և սպանված մեծանուն հայ պոետի այս ժողովածուն գյուղական ծանր կյանքը նկարագրում է շատ վառ և խոսուն լեզվով:
«Հացին երգը» ժողովածուի թեման հացի արարման պատմությունն է՝ հողագործի աշխատանքի փառաբանությամբ։