Թուրքիայում վերջին օրվա ընթացքում կորոնավիրուսից մահացել է 59 մարդ, մահվան դեպքերի ընդհանուր թիվը հասել է 3520-ի: Այս մասին տեղեկացնում է NTV հեռուստաընկերության կայքը` հղում տալով երկրի առողջապահության նախարար Ֆահրեթին Քոջային:
Օրվա ընթացքում Թուրքիայում անցկացվել է կորոնավիրուսի 33 283 թեստավորում, գրանցվել է վարակման 832 նոր դեպք: Վարակման դեպքերի ընդհանուր թիվը հասել է 129 491-ի:
Առողջացածների թիվը ավելացել է 5119-ով, Թուրքիայում վարակված մարդկանցից, ընդհանուր առմամբ, առողջացել և հիվանդանոցներից դուրս է գրվել 73 285 մարդ:
Նոր տեսակի կորոնավիրուսով վարակվածների թիվն ամբողջ աշխարհում 3 727 993 է, մահացել է 258 354 մարդ: Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին: Վիրուսը տարածվել է 212 երկրում: Համաճարակի բռնկման մասին Չինաստանի իշխանություններն ԱՀԿ-ին հայտնել են դեկտեմբերի 31-ին: