Էրիկ Գրիգորյանը շրջակա միջավայրի նախարարի պաշտոնից ազատվել է իր դիմումի համաձայն: Այս մասին Tert.am-ի ի հետ զրույցում ասաց վարչապետ Նիկոլ Փաշինյանի մամուլի խոսնակ Մանե Գևորգյանը:
«Գրիգորյանը հրաժարականի դիմում է ներկայացրել, և վարչապետի միջնորդությամբ՝ նախագահը հաստատել է հրաժարականը»,-նշեց նա:
Հարցին՝ իսկ Գրիգորյանը հրաժարականի պատճառները չի՞ հայտնել Փաշինյանին կամ Կառավարությանը, Գևորգյանը պատասխանեց, որ որքանով ինքն է տեղյակ՝ ոչ:
Հիշեցնենք, որ Գրիգորյանի՝ նախարարի պաշտոնից ազատման լուրը հաստատվեց երեկ երեկոյան: Մինչ այդ տեղեկությունն արդեն շրջանառվում էր մամուլում:
Էրիկ Գրիգորյանը շրջակա միջավայրի նախարար է նշանակվել 2019 թվականի հունիսի 1-ին, մինչ այդ՝ 2018 թվականին մայիսի 12-ից, զբաղեցրել է Բնապահպանության նախարարի պաշտոնը: