Այսօր՝ փետրվարի 25-ին, սպասվում է երկու շատ հետաքրքիր հանդիպում Չեմպիոնների լիգայի 1/8-րդ եզրափակչի շրջանակում։ Կհանդիպեն երկու զույգեր՝ Լոնդոնում և Նեապոլում։ Այսօր միմյանց կբախվեն տարբեր խաղաոճեր և ֆուտբոլային փիլիսոփայություն դավանող թիմեր։
«Չելսին» ԱՊԼ-ի վերջին տուրում հաղթեց սկզբունքային մրցակից համարվող «Տոտենհեմին», սակայն մարզավիճակի առումով կարծես թե որոշակի խնդիրներ կային, հատկապես՝ առջևի գծում։ Իսկ ահա նրանց մրցակիցները Մյունխենից, ընդհակառակը, կարելի է ասել՝ գտնվում են բավականին լավ մարզավիճակում և Ֆլիկի գլխավորությամբ ցուցադրում են պարզապես շատ գեղեցիկ և հետաքրքիր խաղ։ Կա մեկ մինուս․ գերմանացիները բավականին հաճախ են գոլեր բաց թողնում նախորդ մրցաշրջանների համեմատ։
«Չելսիի» մոտ դիտարկվում են երեք հիմնական խնդիրներ, որոնք գլոբալ առումով շատ խորը չեն, սակայն, միևնույն է, հիշեցնում են իրենց մասին։ Դրանք ենք.
1․ Ֆուտբոլիստների խաղակցվածության ոչ բարձր մակարդակը
2․ Բավականին թույլ պահերի իրացումը մրցաշրջանի երկրորդ հատվածում
3․ Լեմպարդի ոչ հաճախ, բայց առկա սխալները մարտավարությունում:
Վերջին խնդիրը, կարծում ենք, ժամանակավոր է և կապված է մասնագետի փորձի պակասի հետ, որն, իհարկե ժամանակի ընթացքում կշտկվի։ Նույնը կարելի է ասել նաև Ֆլիկի մասին, ով ընդամենը վերջերս է գլխավոր մարզչի պաշտոնում, սակայն տվյալ դեպքում «Բավարիայում» չկա ֆուտբոլիստների խաղակցվածության պակաս։
«Չելսիի» հիմնական կազմի բոլոր խաղացողները պատրաստ են այս խաղին, վնասվածք ունեցողներ չկան, իսկ ահա «Բավարիայի» կազմից կբացակայեն Զյուլեն, Մարտինեսը և Պերիշիչը։ Այնուամենայնիվ, առանց այդ ֆուտբոլիստների էլ կան խաղացողներ, ովքեր կկոծկեն վերը նշվածների բացակայությունը։
Հանդիպման մեկնարկը՝ 00։00
Շատերը, և հատկապես ԶԼՄ-ները, այս հանդիպումը համարում են ամենավառ հանդիպումներից մեկը ՉԼ-ի այս փուլում։ Սակայն․․․ մի րոպե, ինչո՞ւ, ինչո՞ւ են «Նապոլիով» շատերն այդքան հիանում և կարգում նրան կատալոնացիների համար վտանգավար մրցակից․․․ որովհետև այս թիմը կարճ ժամանակահատվածում թույլ օղակից դարձավ մի թիմ, որը հաղթել է վերջին 7 հանդիպումներից․․․ 7-ում․ հաղթել է «Լացիոյին», «Ինտերին» և «Յուվենտուսին»։ «Նապոլին» ցույց է տալիս ագրեսիվ ֆուտբոլ։ Գատուզոն պահանջում է բոլոր խաղացողներից անմնացորդ նվիրվածություն խաղի ընթացքում։ Նեապոլիտանացիները ներկայումս գտնվում են իրենց խաղային գագաթնակետում։
Եվ այդ ամենի ֆոնին՝ «Բարսելոնան» իր սկանդալներով։ Սակայն, եկեք չշտապենք, չէ՞ որ «Էյբարի» հետ խաղում Մեսսին և ընկերները ցույց տվեցին, թե ինչ հրաշալի մարզավիճակում են գտնվում նրանք։ «Մեսսին դաշտում անում է բաներ, որոնք կարելի է տեսնել միայն Playstation-ում: Լեոն երկար տարիներ է, ինչ լավագույնն է», – ասել է Գատուզոն նախաղային մամուլի ասուլիսում:
Եվ այժմ կասեք՝ «Էյբարը» դա «Նապոլի» չէ, և գիտեք ի՞նչ․․․ Դուք ճիշտ կլինեք․․․ Այնպես որ, մեզ սպասվում է հանդիպում, որն իսկապես կարող է լինել ամենաթեժը այս փուլում՝ էմոցիոնալ առումով․․․
Հանդիպման մեկնարկը՝ 00։00
