Պերուի հարավում գտնվող Արեկիպա նահանգում երկու ավտոբուսի բախման հետևանքով մահացել է նվազագույնը 11 մարդ, շուրջ 40 հոգի ստացել են տարբեր աստիճանի վնասվածքներ: Այս մասին հայտնում է RPP-ն:
Նշվում է, որ ավտոբուսները բախվել են ճակատ-ճակատի: 6 մարդ տեղում մահացել է, ևս 5-ը մահացել են հիվանդանոցում: Մյուս տուժածները տեղափոխվել են հիվանդանոցներ:
Նախնական վարկածով՝ վթարի պատճառ է հանդիսացել ավտոբուսների կողմից արագության գերազանցումը: Տեղում աշխատում են ոստիկաններն ու փրկարարները: Պարզվում են դեպքի մանրամասները: