سرمایهگذاری ۹۷ میلیون یورو در بخش صحت در افغانستان
اتحادیهٔ اروپا اعلام کرده که در حال سرمایهگذاری ۹۷ میلیون یورو در بخش صحت در افغانستان است.
در اعلامیهای که روز دوشنبه از سوی اتحادیهٔ اروپا منتشر شد، آمده است که این کمکها از طریق سازمان جهانی صحت، ادارهٔ حمایت از کودکان ملل متحد (یونیسف) و چند نهاد بشردوستانهٔ دیگر به مصرف خواهد رسید.
همزمان، دفتر نمایندگی اتحادیهٔ اروپا در کابل اعلام کرده که در هماهنگی با یونیسف، برنامههایی را برای تأمین خدمات حیاتی در بخش تغذیه، آب آشامیدنی و حفظالصحه برای کودکان و مادران تمویل خواهد کرد.