زلمی خلیل‌زاد نماینده خاص امریکا برای صلح افغانستان امروز در دوشنبه با رئیس جمهور تاجکستان ملاقات کرد.
دفتر مطبوعاتی ریاست جمهوری تاجکستان می‌گوید که امام علی رحمن به آقای خلیل‌زاد گفته است که: "با سعی و تلاش مشترک می‌توانیم برای تأمین ثبات، صلح و پیشرفت در جمهوری اسلامی افغانستان مساعدت کنیم."
در این ملاقات در بارۀ حالت کنونی و همکاری تاجکستان و امریکا نیز صبحت شده‌است.
دفتر ریاست جمهوری تاجکستان می‌افزاید که خلیل‌زاد به نقش و سهم تاجکستان بهر مساعدت در تامین صلح و ثبات در افغانستان و منطقه "بها / ارزش بلند" داده از امام علی رحمن در تلاش‌هایش تشکر کرده‌است.
همچنین در این ملاقات مسایل تحکیم و حفاظت سرحدات تاجکستان و افغانستان، تلاش‌ها برای مبارزه علیه تروریزم، افراطگری و قاچاق مواد مخدر مورد بحث قرار گرفته‌است.
زلمی خلیل‌زاد که شام دیروز وارد دوشنبه شد قرار است شام امروز یک کنفرانس خبری به رسانه‌های محلی تاجکستان داشته باشد.
