Наьсарерчу (Назранерчу) "Правовая инициатива" бакъонашларйархойн цхьанакхетараллин офисан белхалоша, шаьш шайн болх сацош бу аьлла, дIахьедар дина. Гуттаренна йа цхьана йукъанна - билгалдоккхуш дац. Цунах хаам зазадоккху-беттан 23-хь цхьаьнакхетараллин телеграм-каналехь битна.
Кавказ.Реалии редакцица цу хьолехь къамел дан а ца лиира цу офисан белхалошна. ДIахьедарехь а дуьйцуш дац цу сацаман бахьанех. Кху шерашкахь шаьш мел лелийна гIуллакхаш дIадала кечлуш ду шаьш элира куьйгалхочо.
ГIуран-беттан 13-хь Оьрсийчоьнан Минюст-о "Правовая инициатива" фонд хийрачу пачхьалкхийн агенташ билгалбохучу реестрах дIатоьхна. Проектан болх адамийн бакъонаш цаларйарца боьзна бара. Дукха хьолахь Къилбаседа Кавказехь.
"Правовая инициатива" фондо 2016-чу, 2018-чу шерашкахь - Дагестанан Ботлих, Цунтин, Тляратинск, Цумадин, Кизлярск-кIошташкахь зудберийн могушалла хIаллакйо операцеш йарах докладаш арахецна. Цу цхьана республикехь йо уьш шарчохь мел кIезга 1200 йоIана.
Цу проекто Нохчийчохь хиллачу шоллагIчу тIамехь тIепаза байначийн цIерашца карточкаш хIиттийна. Талламхошкахь 330 адамах хаарш ду.
2019-чу шарахь "Правовая инициатива", "Новая газета", ПЦ "Мемориал", "Комитет против пыток"- офисаша дийцира, Нохчийчохь, Кадыров Ахьматан цIарах йолчу ППСП №2 полкан гIишлочохь йолчу къайлахчу набахтех. Иштта цара дийцира, 2017-чу шеран дечкен-баттахь таIзарш дина, вийначу 27 стеган цIераш шайна йовзийтуш тоьшалла диначерх лаьцна а.
