Шайхи Арсанукаев. ***
Бода бешаш гиний шуна?
Гиний, Iаьржа буьйса йовш?
Серло яьржаш гиний шуна?
Гиний, Iалам меттахъхьовш?
Iуьйре гIоттуш гиний шуна,
Баржабеш шен сирла мор?
Йогу беснеш гиний шуна,
Доьллуш цо шен сирла кор?
Нуьре хьажар гиний шуна,
Гонах бIаьрг цо кхарстабеш?
Елакъажар гиний шуна,
Дахарах сов йоккхаеш?
Къона Iуьйре тергалъелаш -
Товш ю, нускал санна, и -
Денна иза декъалъелаш -
Серло яхьаш йогIу и!
