Украіна да гэтага часу не мае лаўрэата Нобелеўскай прэміі ў літаратуры.
Камітэт навук аб літаратуры Польскай акадэміі навук прыняў пастанову аб вылучэнні ўкраінскага пісьменніка Сяргея Жадана на Нобелеўскую літаратурную прэмію.
«Жадан — адзін з найвялікшых паэтаў Украіны і выдатны празаік, перакладаны і ўзнагароджаны ў свеце — паводле нас з’яўляецца пісьменнікам нобелеўскага фармату, — напісалі польскія навукоўцы ў адмысловай заяве. — Свабодная Украіна шмат у чым гаворыць і думае словамі Жадана, уважліва іх слухае. Сёння паэт у сваім Харкаве. І ён змагаецца».
Польскія СМІ адзначаюць, што калі б Шведская акадэмія прыняла гэтую кандыдатуру сёлета і ўзнагародзіла ўкраінскага пісьменніка, яна б мусіла парушыць свой рэгламент, бо заяўкі з намінантамі з усяго свету на бягучы год прымаюцца да 31 студзеня. Украіна да гэтага часу не мае лаўрэата Нобелеўскай прэміі ў літаратуры.
