Mayın 9-da Rusiya nasist Almaniyası üzərində qələbənin 74-cü ildönümünü Moskvadakı Qırmızı Meydan böyük hərbi paradla qeyd edir.
Prezident Vladimir Putin ölkənin digər yüksək rütbəli rəsmiləri ilə paradı mərkəzi tribunadan izləyib. O, iştirakçılara deyib ki, Rusiya özünün ən yüksək səviyyədə müdafiə bacarığını təmin edəcək.
Parada Quru Qüvvələrinin Ali Baş Komandanı General Oleg Salyukov rəhbərlik edib.
Sovet əsgərləri qələbə bayrağını Reyxstaq binasına 1945-ci ilin mayında sancıblar.
Bugünkü paradda 13 mindən çox əsgər, 130 qabaqcıl silah sistemi iştirak edib. Parad ölkədə canlı yayımlanıb.
Anonim mənbənin TASS xəbər agentliyinə deməsinə görə, əlverişsiz hava səbəbindən parada döyüş təyyarələri və vertolyotlar qatılmayacaq.
