Moskvada uşaq malları satılan ticarət mərkəzində yanğın olub, bir nəfər həlak olub, 100-dən çox adam evakuasiya edilib. Rusiya mediası yanğının üst mərtəbələrin birinin anbarında başladığını yazır.
TASS dövlət agentliyinə görə, yanğın aprelin 4-də Persei Dlya Detei (Uşaqlar üçün Persey) ticarət mərkəzində baş verib.
Fövqəladə xidmət və yanğınsöndürmə rəsmiləri azı 115 nəfərin evakuasiya olunduğunu bildirir.
Yanğınsöndürənlər dördmərtəbəli, sahəsi 6 min kvadrat metr olan binada kimsənin qalıb-qalmadığını hələ də araşdırırlar.
Ötən ay Sibirin Kemerovo şəhərində ticarət mərkəzində yanğın 64 nəfərin həyatına son qoyub, onlardan 41-i uşaq olub. Bundan sonra belə binalarda təhlükəsizlik qaydalarına necə əməl olunması diqqət mərkəzinə gəlib.
